• شحن مجاني للطلبات التي تزيد عن 600 جنيه مصري.
  • ضمان الرضا 100٪ أو استعادة الأموال.

البشرة الجافة: أسبابها وطرق العناية بيها

البشرة الجافة ممكن تكون تحدي بالنسبة لسيدات وبنات كتير، مش بس لأنها بتخليكي حاسة طول الوقت إنها خشنة، ومتشققة. لكن كمان لأنها بتأثر على حياتك وحالتك المزاجية، أي هدوم خشنة بتسبب حكة في البشرة، فمابتقدريش تلبسي اللي انتي عايزاه. أي ارتفاع بسيط في درجة الحرارة بيخلي بشرتك تجف أكتر، أي انخفاض في درجة الحرارة بيخليها تقشر! ودا ممكن يزعجك لو بتستعملي مستحضرات تجميل.

صحيح إن البشرة الجافة ممكن تبان أضرارها بسيطة، لكن لو سبناها تتعرض للجفاف أكتر من اللازم، ممكن تقلل من قدرة بشرتك على حماية جسمك من عوامل الجو. غير إنها أكتر سبب شائع لالتهاب البشرة، ولو اتسابت من غير عناية، ممكن تتطور لإكزيما.

عشان كدا، مهم جدًا تعتني ببشرتك وتفهميها. 

لحسن الحظ، الموضوع مش كبير، تغييرات بسيط في روتينك اليومي، وترطيب كافي، هيجنبوكي كل مشاكل البشرة الجافة.

لكن الأول لازم تفهمي  إن سهل قوي الخلط بين البشرة الجافة وبين البشرة اللي بتعاني من الجفاف باعتبارهم نفس المشكلة، ودا مش حقيقي.

البشرة الجافة بطبيعتها بتعاني من نقص افراز زيوتها الطبيعية، ودا بيرجع لعوامل مختلفة هنتكلم فيها. لكن البشرة اللي بتعاني من جفاف فهي بتعاني الأساس من نقص نسبة المياه في الطبقة المتقرنة، الطبقة الخارجية من البشرة واللي مسؤولة عن حمايتها.

دا معناه إن كل أنواع البشرة ممكن يصيبها الجفاف.

لكن ازاي تعرفي تفرقي بين الحالتين؟

البشرة الجافة بتكون حالة وراثية، وخشنة، ومتشققة وبتتقشر باستمرار وشكلها جاف.

البشرة اللي بتعاني من الجفاف بتكون  حالة مؤقتة وباهتة، ومشدودة، وحساسة، وفيها خطوط تعبيرية

ازاي أعرف ان بشرتي جافة؟

لو بشرتك خشنة، وفيها بقع جافة، وأوقات بتحسي بالحكة وبتلاقيها مقشرة، فدي عوامل تساعدك تتأكدي إنك من أصحاب البشرة الجافة بمجرد النظر. كمان بشرتك بتتميز بمسام صغيرة، وطبعاً بتعاني من نقص إفراز الزيوت بعكس البشرة الدهنية.

لسة مش متأكدة..اعملي الاختبار دا؟

اغسلي وشك بالمياه واستني من 10 إلى 15 دقيقة، وبعدها طبطبي على وشك بمنديل ورقي بالراحة في أماكن متفرقة من البشرة وراقبيها في نور الشمس. لو مفيش على المنديل أثار بقع زيوت، أو  ظهرت آثار بنسبة قليلة خالص، فانتي من أصحاب البشرة الجافة.

إيه هي العوامل اللي بتسبب جفاف البشرة؟

لو بشرتك جافة بطبيعتها فمحتاجة تركزي معاها في الحالات دي، لأنها كدا عرضة لجفاف أكبر، يعني مشاكل أكتر

  • الجو: لو درجة الحرارة انخفضت البشرة بتجف، عشان كدا بشرتنا بتقشر في الشتا.
  • الحرارة
  • الاستحمام بمياه  ساخنة
  • الصابون والمنظفات لأنها بتسحب الترطيب من البشرة

 

ازاي أعالج بشرتي الجافة؟

 

1_ الغسول بدل الصابون

ااستعملي غسول خفيف عالبشرة، خالي من مكونات الصابون (مبيعملش فوم)، وابعدي عن المستحضرات اللي ممكن تسبب جفاف بشرتك

2- الترطيب هو سلاحك الأول

ضروري ترطبي بشرتك بكريم مرطب مناسب بعد الغسول مباشرةً. كل ما هتستني كل ما بشرتك هتجف.

اللوشن المرطب بيساعد في حماية حاجز البشرة في ملء ثغوره، دا هيخلي البشرة محمية ومحتفظة بأي ترطيب ظهر نتيجة استخدام المياه. دوري على مستحضرات ترطيب بتحتوي حمض الهاليرونيك اللي معروف انه بيحجز المياه بداخل البشرة.

3_ بلاش تجهدي بشرتك

مش معنى ان بشرتك جافة إنك ترهقيها بمستحضرات ليها أساس دهني، أو تجهديها بتقشير مستمر. كل دي حجات بتتسبب في تهيج البشرة وضررها أكتر من نفعها. كمان تجنبي أي منتجات داخل في تركيبات مواد عطرية، لأنها ممكن تسبب حكة في بشرتك.

4_  حاربي التجاعيد

لأن البشرة الجافة بتتشقق بسرعة، د بيخليها عرضة لظهور التجاعيد بشكل أسرع من أي نوع بشرة تاني. عشان كدا الترطيب خطوة أساسية. جربي مستحضرات تحتوي الريتينول لأنه  بيزود ترطيب البشرة.

إيه المكونات اللي مفروض أدور عليها لو بشرتي جافة؟

لو انتي من أصحاب البشرة الجافة، مهم قوي تركزي في المواد الفعالة اللي بتعرضيها ليها. زي ما اتفقنا، ابعدي عن أي مواد عطرية وابعدي عن الصابون اللي ممكن يسبب تهيج البشرة. في المقابل، دوري على منتجات داخل في تكوينها مرطبات طبيعية، زي زبدة الشيا. أو مواد بتحتوي على اليوريا والكارباميد، لأن كلها مواد ملطفة للبشرة الجافة.

 

اترك تعليق

يرجى ملاحظة أنه يجب الموافقة على التعليقات قبل نشرها


الرجوع إلى الأعلى
Promo box

شخص ما قام بشراء

Product name

info info