بتحسي إن بشرتك عندها شخصيتين؟ جافة في بعض المناطق، ودهنية في مناطق أخرى؟ مسامها واسعة وبتلمع دايماً، لكن في نفس الوقت مشدودة وفيها رؤوس سوداء وسهل تقشّر؟
انتي مش لوحدك، الإحصائيات بتقول إن ستة من بين كل عشر سيدات بشرتهم نوعها مختلطة. وعشان هي أكتر نوع بشرة شائع، مهم تتعلمي ازاي تعتني بيها.
الموازنة بين نوعين مختلفين من البشرة في وقت واحد ممكن يبقى مشكلة، لأن ازاي ترطّبي المناطق الجافة من غير ما تتسبّبي في ترطيب مفرط للمناطق الدهنية يخلق حبوب؟
عشان كدا لو انتي واحدة من الناس اللي بشرتهم المختلطة هي مصدر إحباطهم، فالمقال دا عشانك.
من اسمها، بشرة مختلطة، يعني مزيج من البشرتين: ، الدهنية في منطقة التي زون (الأنف والذقن والجبهة)،وجافة في باقي المناطق. بشرة مختلطة يعني لمعان وتقشير ورؤوس سودا ومسام واسعة، يعني لون غير موحد للبشرة وخطوط تعبيرية.
إيه اللي بيحفز تكوين البشرة المختلطة؟
البشرة المختلطة وراثية بطبيعتها، لكن ضروري تعرفي إن المنتجات اللي بتعتمدي عليها، وطريقة استخدامها، ليهم تأثير كبير على بشرتك المختلطة، يا إما هيحسنوها يا إما هيخلوا حالها أسوأ.
لو بتستخدمي منتجات مكوناتها قوية وبتقدر تمتص الزيوت (زي السلفات والكحول)، فهي مش بس هتجهد الجزء الجاف في بشرتك اللي مافيهوش أي زيوت، لكن كمان هتنقلب على المناطق الدهنية لأنها هتحفزها تفرز زيوت أكتر. ودا يخلي البشرة مختلطة أكتر!
عشان كدا الصح نخلي المناطق الجافة هي توجهنا الأول.
ازاي أتأكد ان بشرتي مختلطة؟
اغسلي وشك بغسول خفيف، واستني من 10 إلى 15 دقيقة. قسمي منديل ورقي لأجزاء ووزعيها في منطقة التي زون (الأنف والجبهة والدقن) وفي باقي وشك. لو المنديل فضل على وشك في منطقة التي زون، لكن وقع من باقي المناطق. دا معناه إن بشرتك مختلطة.
علامات تدل على إن بشرتك مختلطة
- بشرة لامعة في التي زون: بسبب إفراز الزيوت المفرط
- رؤوس سوداء ورؤوس بيضاء:لما الزيوت بتتحبس في المسام، بتختلط مع الخلايا الميتة والأتربة. طول ما المسام مقفولة فهي رؤوس بيضاء. لو المسام اتفتحت بتخلق رؤوس سوداء.
- قشرةفي المناطق الجافة نتيجة نقص إفراز الزيوت فيها وتراكم الخلايا الميتة
- مسام مسدودة وواسعة في منطقة التي زون
هل دا معناه اني محتاجة اشتري مجموعتين؟ منتجات للعناية بالجزء الدهني ومنتجات للعناية بالجزء الجاف؟
لأ. دا معناه إنك محتاجة تخلقي توازن. سواء في روتين العناية ببشرتك، أو حتى في نمط الحياة.
ازاي؟
- الترطيب الحقيقي بيبدأ من الداخل: لأن بشرتك محتاجة ترطيب طبيعي مايسدش المسام، مهم تحرصي على إدماج أطعمة بتحتوي أحماض دهنية في نظامك الغذائي. زي السلمون والأسماك والمكسرات.
- الرياضة مهمة لتحفيز الدورة الدموية لخلايا بشرتك
- تجنبي المنتجات اللي بتحتوي سلفات وكحول وصابون في مكوناتها
- تجنبي مستحضرات التجميل ذات الأساس المعدني لأنها بتسد المسام
- تجنبي المنتجات اللي بتحتوي مركبات عطرية لأنها ممكن تتسبب في جفاف بشرتك
روتين البشرة المختلطة
- سواء للمناطق الجافة أو الدهنية، في الحالتين إنتي محتاجة غسول بدرجة حموضة منخفضة، أساسه مائي لتنضيف البشرة من الأتربة والخلايا الميتة. دوري على غسول خفيف مايجهدش بشرتك وماينشفهاش. تجنبي الغسول المكون من سلفات أو كحول، وابعدي تماما عن الصابون.
- استخدمي تونر ملطف وغير مهيّج للبشرة: التونر بيحتوي مضادات أكسدة وبيعيد توازن البشرة. كمان هيعمل على تقليل نسبة الزيوت في مالناطق الدهنية، من غير ما يسبب جفاف لباقي المناطق. ضيفي التونر طبقة واحدة بس عالمناطق الدهنية، وأكتر من طبقة عالأماكن الجافة.
- السيرم خطوة مهمة جدا للبشرة المختلطة لأنه بيحتوي مضادات أكسدة وبيعمل على إعادة تجديد خلايا البشرة. دا بيخليه يساعد في تلطيف بشرتك وامتصاص أي زيوت .
موجودة على سطحها، بالإضافة لتحسين المناطق الجافة والعمل على نضارتها
إيه المكونات اللي تدوري عليها؟
- · الجلسرين والسوربيتول وحمض الهاليورونيك واليوريا: كلها مواد محبة للمياه وبتحبس المياه داخل البشرة.
- · زبدة الشيا بتمنع الترطيب من التبخر من على سطح بشرتك
- السيراميد: لأنه بيجدد حاجز البشرة فبالتالي بيمنع إنها تفقد ترطيبها
- · النياسيناميد: أحد أشكال فيتامين ب 3، بيعمل على تنظيم إفراز الغدد الدهنية بالإضافة لدوره في تعزيز حاجز البشرة. وتقدري تلاقيه في . سيرم فيتامين سي اللي نتافيس بتقدمه ليكي.