10 أخطاء في روتين العناية بالبشرة بيضروا بشرتك

 

مفيش شك ان كلنا بندور على روتين بشرة مثالي يساعد بشرتنا إنها تظهر في أحسن صورة ممكنة. دا بيتم بالمداومة عالروتين والالتزام بيه.

لكن ...

هيحصل ايه لو كنتي بتداومي على روتين غلط أصلاً؟

مهما كنتي خبيرة في روتين البشرة، ومهما حافظتي عليه، وارد ترتكبي أخطاء في تطبيق الروتين نفسه تتسبب في ضرر لبشرتك أكتر من المنفعة. بشكل يخليكي تسألي السؤال المتكرر...

ازاي بعتني ببشرتي ومع ذلك بتبوظ اكتر؟

هنا، جمعنالك أكبر 10 أخطاء في روتين العناية بالبشرة بتعمليهم وبيتسببوا في ضرر بشرتك.

 

1_ بتعملي روتينك الليلي قبل النوم مباشرة 

من أكتر الأخطاء الشائعة في روتين العناية بالبشرة هو اختيار التوقيت الغلطً، لأن مش كفاية نختار منتجات مناسبة لبشرتنا، مهم كمان نختار توقيتها.

روتين البشرة مش بس معتمد على بتستخدمي أي منتجات لبشرتك، لكن بتسخدميها ازاي، وامتى.

نسبة كبيرة مننا عندهم اعتقاد خاطىء إن روتين الليل لازم يكون قبل النوم مباشرة، خصوصا لو الروتين بيتضمن سيرم فيتامين سي، الحقيقة إن دا مش بيمهل بشرتك الوقت الكافي انها تمتص المستحضرات دي، وبتروح كلها في مخدة نوم.

أفضل وقت لروتين الليل هو قبل النوم بساعة، بكدا هتضمني إن بشرتك امتصت كل المنتجات، وتحققي أقصى استفادة.

 

2_ مش بتعملي تقشير لبشرتك/ بتبالغي في تقشيرها

قد يكون التقشير من أكثر التقنيات التي يتم الحصول عليها فورًا ، خاصة إذا كنتِصحيح إن التقشير ممكن يكون من أكبر العلاجات اللي بتديكي نتيجة فورية، خصوصا لو انتي من أصحاب البشرة الدهنية، لكن اللي مش عارفاه إن الإفراط في التقشير بيسرع من شيخوخة البشرة، لأنك بتتسببي في تجريدها من طبقتها الخارجية اللي بتحمي بشرتك من العوامل الخارجية، وتجريدها من زيوتها الطبيعية، وكمان تسببي لها تهيّج..

 أما لو تجاهلتي خطوة التقشيرة، فانتي بتخاطري بانسداد مسام بشرتك نتيجة تراكم الأتربة والخلايا الميتة فيها.

بأي حال مينفعش تعملي تقشير لبشرتك أكتر من تلات أيام في الأسبوع، بكدا هتقدري حققي التوازن، تخلصي بشرتك من الخلايا الميتة، وتسمحي للمسام إنها تستقبل أي مستحضرات تانية.

3_ مش بتستعملي منتجات روتين بشرتك بالترتيب الصحي 

زي ما مهم تختاري التوقيت المناسب لروتين بشرتك، مهم كمان تختاري الترتيب المناسب لمنتجات الروتين. المواد اللي قوامها تقيل لو اتحطت ع البشرة الأول، ممكن تمنع البشرة من امتصاص المنتجات الخفيفة. عشان كدا مهم نستخدم الأول المنتجات اللي ليها قوام خفيف، وبعدين الكريمات والزيوت.

4_ روتينك معقد

إنك تخلي روتين بشرتك معقد، أو إنك تدمجي منتجات كتير جداً مع بعض في وقت واحد عشان تحققي لبشرتك أكبر استفادة ممكنة دا مش صح، لأنه في معظم الأحيان بيضر بشرتك مابيفيدهاش.

لو دمجتي منتج له أساس مائي مع منتج له أساس دهني في نفس اللحظة دا غلط، لأن المنتج الدهني هيمنع امتصاص المائي.

لا تستخدمي منظف حمض الساليسيليك مع مقشر حمض الجليكوليك. يستخدم كلانك تستخدمي غسول فيه حمض الساليسيلك، مع مقشر تاني فيه حمض الجلايكولك، دا هيتسبب في التهاب لبشرتك لأن المكونين مهمتهم تنضيف البشرة من الخلايا الميتة. لو استخدمتيهم سوا فانتي كدا بتخاطري ان بشرتك تلتهب وتتعرض للاحمرار وتطوير رد فعل تحسسي.

ولو استخدمتي الريتينول مع فيتامين سي فانتي بتزودي حساسية بشرتك تجاه الشمس، وبتعرضيها لالتهابات، لازم تفصلي بين اوقات استخدامهم بزمن مناسب يدي للبشرة فرصة إنها ترتاح./p>

5_ بتفصلي بوقت طويل جداً بين كل منتج والتاني

صحيح مهم تمهلي بشرتك وقت مناسب بين كل منتج والتاني، لكن دا مينفعش مع كل المنتجات. في منتجات لما بنستخدمها بنفتح مسام البشرة، زي الغسول مثلاً، مينفعش تسيبي مسام بشرتك مفتوحة طول اليوم لأنك كدا بتعرضيها لأتربة وبكتريا تتراكم جواها.وقتها ضروري تستعملي التونر بعد الغسول مباشرةً لأ،ه بيرجع المسام لحجمها الطبيعي. علشان كدا ضروري تعرفي كل منتج بتستخدميه بيعمل إيه بالظبط لبشرتك علشان ماتعرضيهاش لأضرار أكبر من المنافع اللي بتعود عليها.

6_ بتستخدمي الغسول والتونر الغلط

متأكدة إنك بتستخدمي الغسول والتونر المناسبين لنوع بشرتك؟

حاولي دايماً تدوري عالاستفادة القصوى في منتجات بسيطة، دوري على غسول يكون بيحتوي على:

- مضادات أكسدة لحماية بشرتك

- فيتامين E لتنضيف عميق للمسام

- زيوت أساسية لخلق توازن في إنتاج البشرة لزيوتها

التونر كمان مهم جداً علشان تتجنبي مشاكل زي الجفاف، الالتهابات والطفح الجلدي، خصوصا في جلسات التقشير. دوري على تونر يكون بيحتوي على الألوفيرا لترطيب بشرتك وقبض مسامها، وبيحتوي على مضادات أكسدة ومستخلصات نباتية وفيتامين B3 للحماية.

افتكري دايماً، أهم حاجة في كل منتجات بشرتك إنها تكون خالية من الكحول، وإلا هتلاقي إن ليها تأثير معاكس تماماً للفايدة المطلوبة.

7_مش بتستعملي الغسول بعد الاستحمام

للوهلة الأولى، مش منطقي تستعملي الغسول بعد الدش، خصوصا إنك لسة منضفة وشك كويس، ولما بصيتي في المراية لقيتي إن بشرتك شكلها نضيف. صح؟ بصي كويس!

منتجات الشعر، اللي بطبيعة الحال بتقع على الوش، بتحتوي ف مكوناتها على سيليكون ، وبارابين، ومركبات كيميائية تانية دورها إنها تخلي الشعر ناعم، وطري. لكن للأسف تأثيرها على البشرة بيكون العكس.

مركبات زي المشتقات البترولية، والسليكون والسلفات ثبت إنهم بيحفزوا ظهور حبوب الشباب في الوجه والعنق لما البشرة تحتك بيهم وقت الاستحمام.

علشان كدا النصيحة الأكبر هي إننا ننضف وشنا من مسحضرات التجميل قبل الاستحمام، مش خلاله. ونستخدم كمية قليلة من غسول البشرة بعد الدش علشان نتخلص من أي رواسب كيميائية ممكن تكون لسة على البشرة.

8_ محافظة على نفس روتين البشرة لسنين، بغض النظر عن سنك

زي ما السنين بتعدي وبتغير كل حاجة حوالينا وفينا، البشرة كمان بتكبر وطبيعتها بتتغير. مينفعش وانتي أربعين سنة تلتزمي بنفس روتين البشرة اللي كنتي بتعمليه وانتي في عشريناتك. دا لأن البشرة في العشرين بتميل إنها تكون دهنية أكتر، علشان كدا التقشير اللي كان بيفيدك في العشرين، هيضرك وانتي أربعين سنة.

كل ما البشرة بتكبر، كل ما بتبقى أرق وأكثر جفافاً. مهم تتجنبي الغسولات القوية اللي بتتسبب في جفاف زيادة للبشرة، لكن دوري على غسول يكون خفيف وفيه نسبة تقشير طبيعية، وبكدا هتتجنبي خطوة التقشير من الأساس.

9_ بتخزني منتجات بشرتك في الحمام

صحيح مهم جداً تستخدمي غسول البشرة بعد الاستحمام، لكن دا مش معناه إنك تخزني منتجات بشرتك جوة حمامك فوق البانيو (المكان المفضل لمعظم السيدات). الحمام بطبيعته بيئة رطبة، وبالتالي بيئة غير مثالية لمنتجات العناية بالبشرة، لأن الأبخرة والرطوبة بتأثر على المواد الفعالة في المنتجات وتتسبب في تكسيرها، ودا بيخلي مدة صلاحية المنتجات أقل.

أكيد سألتي نفسك ليه السيرم لونه اتغير، أو المرطب قوامه بقى سائل أكتر؟ حاولي تحتفظي بمنتجات البشرة في أوضة ليها مناخ طبيعي بدرجة حرارة طبيعية، زي أوضتك مثلا، بكدا تضمني إن المواد تفضل نشطة طول فترة صلاحيتها، وماتتعرضش لحرارة زايدة تكسر موادها الفعالة.

10_ بتبدلي بين مستحضرات العناية بالبشرة بمعدل سريع

احنا عارفين إن صعب تقاومي إغراء تجربة مستحضر جديد نزل في السوق، عارفين إنك بتسألي نفسك يمكن يكون أحسن من اللي بستخدمه، يمكن يكون مناسب أكتر لبشرتي. يمكن كمان بتخافي بشرتك تتعود عالمنتجات اللي بتستعمليها، وتبطل تديكي نتيجة فعالة. صح؟

الحقيقة إن التبديل الكتير بين المنتجات مش بس بيكون تضييع وقت، لأن بشرتك مش بتلحق تستفيد من المكونات اللي بدأتي تستخدميها بالفعل، لكن كمان إنتي كدا ممكن تبقي بتعرضي بشرتك لخطر تطوير رد فعل تحسسي.